რატომ მაქვს ესენი შენახული, აღარ მახსოვს, მაგრამ იყოს აქაც. ერთი 5-თვიანი საშვია ქუთაისის კომერციულ ტელევიზიაში (მოგვიანებით დაერქვა ტელეკომპანია „რიონი“), სადაც ფეხი ავიდგი ჟურნალისტიკაში და ვაკეთებდი გადაცემა „კედელს“. ეს საშვი უფლებას მრთავდა ტელევიზიაში შევსულიყავი 1992 წლის 10 მაისიდან 10 ოქტომბრის ჩათვლით. მეორე კი ტელეკომპანია „მე-2 არხის“ დროებითი საშვია. ეს ტელევიზია თავისი ეთერით გადასცემდა ქუთაისში მომზადებულ ჩვენს გადაცემა „კედელს“. ეს საშვი მომცეს 1992 წლის 6 ივნისს, როცა უკვე პირველი გადაცემის ჩაწერა დავიწყეთ თბილისში.
